ازاى تعرف المصرى من بين 1000 واحد
لو سألت سواق تاكسى على عنوان وبدل ما يدلك قالك امشي ورايا .. يبقى مصري.
وعلى فكره ساعات بيغير اتجاهه عشان عنده رغبه صادقه يوصلك وخايف تتوه
لو صليت في مكان وبعد الصلاه اللي جنبك مد ايده وقالك تقبل الله .. يبقى مصري
إذا سمعته بعد أن يضحك كثيرا يقول " خير اللهم إجعله خير " .. فتأكد أنه مصري
لو إتصلت بيه في التليفون , وقال لك من غير مناسبه " كل سنة وإنت طيب " .. فتأكد أنه مصري
لما تقابل واحد وتسأله وعمره مايقول "ما أعرفش !" جينيوس مصري
لما تنزل تلاقي واحد ساند على عربيتك واول ما يشوفك يضحك ويقولك لا موأخذه يا باشا
لو دخلت عليه وكان بياكل ولو حتى عيش وبصل لازم يقولك اتفضل الأكل ويعيدها عليك ثلاث أربع مرات
و لما ركبه تخبط فى بعضها من الرعب و هو داخل القسم يعمل بطاقة الرقم القومى ... هو ده المصرى
و لما عربيه تعمل حادثه فى الطريق الصحراوى أو الزراعى , و فى ثوانى تقف
لها خمسين عربيه ينقذوا المصابين و يعدلوا العربيات و لو اضطروا يشيلوهم من
على الأرض .. هم دول المصريين
لما تلاقي ناس بتقضي العيد فى المقابر مع حبايبهم اللي ماتوا يبقي أكيد في مصر
لما تلاقي سيده في الرايحه والجايه عمالة تدعي لأولادها وتخلى الدنيا
تدعيلهم ... تبقى دي أم مصريه وطموحاتها وأحلامها الشخصيه فى الحياة إن
ولادها يبقوا مبسوطين
لو شفت واحد وقف فجأة و هو ماشى فى الشارع
و مد ايده على حته عيش مرميه على الأرض وقام رافعها لراسه قبل مايحطها جنب
الرصيف ... يبقى الواحد (او الواحده) ده مصرى
لو شفت عامل اول ماخد اجرته قام رافعها لراسه و بص فوق و حمد ربنا قبل مايحط الفلوس فى جيبه ... يبقى مصرى
لو اديت لواحد فلوس وبدأ يعدها بصوت عالي وبدأ بقوله الله واحد .. ومع
الورقه الثانيه : مالوش تاني ، ومع الورقه الثالثه : العدد ثلاثه .. يبقي
أكيد مصري ابن مصري
لو شاورت لتاكسى ووقفلك فى نص الطريق عشان تركب حضرتك بمزاج يبقي أكيد مصري
لما تيجي تدفع الأجره لواحد أول مرة تعرفه ، يحلف عليك تخلي بأه لما تلاقي خناقه فى الميكروباص والأصوات عليت كل واحد فيهم بيحلف إنه يدفع للتاني ثمن التذكره لما تلاقي ست البيت بتحوش برطمانات المربي الفاضيه سنين طوال بدون استخدام يبقي أكيد دي مصرية
لما يكون عندنا ضيوف ويسلموا عشان هيمشوا ويقفوا على الباب يتكلموا ساعه يبقوا مصرين صميمين
لما تلاقى اننا شايلين اكياس من جميع الاشكال والالوان تحت المرتبه نبقى مصريين
لما تلاقى اتنين قاعدين فى الأتوبيس مايعرفوش بعض ولاعمرهم شافوا بعض وكل واحد بيحكى قصه حياته للتانى كأنه يعرفه من تلاتين سنه يبقى أكيد الاتنين دول مصريين
لما تسأل واحد عن مكان
يرد عليك وهو عايز يخدمك بأى طريقة ويقولك هو قالك فين ؟؟
((ماأنا لو أعرف ماكنتش سألت ))
ما تحاولش تقنعنى أن ده مش مصرى بقى
فى رمضان وهما واقفين علي الطرق يشدوا ف الناس يفطروهم
ولا ف الاعياد اللي يعرفك واللي ميعرفكش يعيد عليك
والاتوبيس لما يقف الشباب للعواجيز يبقوا اكيد مصريين
تبقى واقف فى طابور و مخنوق من كل حاجه وعايز تخلص وتمشى بسرعه ويجى راجل كبير تدخله قدامك وتقوله أدخل أنت ياحاج
ولما تلاقى شعب فى اكبر ازمه بيمر بيها ... مابينساش يضحك ويطلع افيهات
ويضحك اللى حوليه
وكل العالم يتكلم عليه وعلى خفته
يبقى انت اكيد تقصد شعب مصر ... مصر اللى ربنا سبحانه وتعالى ذكرها فى القرأن الكريم خمس مرات وده كفايه