طريقه عمل تورته جديده

2 ك دقيق
1 ك سكر
كاكاو
1/2 ك لبن
3/4 ك زيت ذرة
كيس فانيليا
كيس بيكنج بودر
4 بيض
1/2 ك شويبس تفاح
ضربى البيض مع الفانيليا كويس جدا ثم ضيفى الزيت واللبن وكملى ضرب ثم باقى المكونات وكملى ضرب وفى النهاية ضيفى الدقيق مع التقليب الخفيف
وطبعا كل ده والفرن شغال عشان يكون سخن وخدى حوالى ساعة إلا ربع فى الفرن
وبعدين سيبها لما تردت خااااااالص ثم اسقيها على خفيفة بشويبس تفاح
الحقيقة كان المفروض سفن اب بس ملقتش وأنا كان عندى شويبس تفاح قولت أجرب
بس بجد طلعت طعمة جدااااااا وإديتنى النتيجة اللى كنت عاوزاها وفضلت طرية لآخر لحظة لأنها قعدت عندى أسبوع كامل فى التلاجة
طبعا مش من وحشاتها أصل تفهمو غلط ههههههههههههههههههههه
بس إحنا إتنين بس وأكلنا خفيف
وبعدين قسمتها نصين وطبعا حشتها فى النص بالكريم شانتيه
وكنت مجهزة صوص الشيكولاتة
(((شيكولاتة خام + زبدة + لبن + زيت ذرة )) على نار هادية
وبعدين من الوش بردو حطيت كريم شانتيه أبيض لسبب
عشان لما أصب عليه من فوق صوص الشيكولاتة هيدينى اللون المشبح اللى واضح فى الصورة فى أجزاء معينة
وقسمتها من فوق بالكريم شانتيه وفى حطت شيكولاتة مبشورة والتانى سيبته مشبح وكان عاجبنى جدا والتالت طبعا كريز ماحنا شايفين



وبالهنا والشفا]

ياواد ياجامد محلى بوقنا

امووووووووووووووووووووووووووووووواه ليكى ياقلبى انا
تسلم الايادى الجميله اللى كتب وتعبتلنا عشان تحلى بوقنا