بحلم بيك بحلم بيك انا بحلم بيك
وباشواقي مستنيك
وان ما سائلتش فيا
يبقا كفاية عليا
عشت ليالي هنيا احلم بييك
انا بحلم بيك
بحلم بيك يا حبيبي انا
ياللي مليت ايامي هنا
بحلم بيك عارف من امتى
من اول ماعرفت احب
بحلم بيك وبحبك وانت
اول حب وآخر حب
وانت حياتي وابتساماتي
********
بحلم بالجنة الي خيالي
قبل الحب ماكانش يطولها
بحلم بيك وبيتهائلي
انك جمبي ليالي بطولها
وافضل احبك واحكيلك يا حبيب قلبي
باجمل اسم اناديلك يا حبيب قلبي
********
اد ما عمري يطول يا حبيبي
حستناك علطول يا حبيبي
ليلي نهاري بقول يا حبيبي
ياللي ماحدش قالك عالشوق اللي انا فيه
بكرة الشوق يوصلك وتجرب لياليه
............................................
بتقوليلى ايه خلانى احبيك بتقوللي إيه خلاني أحبك .. فكرك هاخبي وأحير قلبك
أبدا راح أقولك ..
قلبك علي دنيا حنان .. ما لهاش بداية ولا نهاية
مهما افتكر دنيا الأشجان .. انساها وأنت في دنيايا
وازاي أعيش في الدنيا وحيد .. وأنا معاك في غرامي سعيد
أبدا راح أقول ..
صورت لك حبي أغاني .. توهب لها كل حنانك
والكلمة تبقى على لساني .. وتبقى برضه على لسانك
وازاي أعيش في الدنيا وحيد .. وأنا معاك في غرامي سعيد
أبدا راح أقول ..
دايما تجيني في مواعيدي .. والبسمة والأشواق سابقاك
وأحس دايما بوجودي .. ساعة وجودي في الدنيا هواك
وازاي أعيش في الدنيا وحيد .. وأنا معاك في غرامي سعيد
أبدا راح أقول ..
..................................................
بتلومونى ليه بتلوموني ليــــه .. بتلوموني ليـــــــــــــــه
لو شفتم عنيه حلوين اد ايـــــــــــــــــــــــه
حتقولوا انشغالي وسهد الليالــــــــــــــــــي
مش كتير عليه .. ليه بتلومونـــــــــــــــــي
اسير الحبايب يا قلبي يا ذايـــــــــــــــــــــب
في موجة عبير من الشعر الحريـــــــــــــــر
عالخدود يهفهف ويرجع يطيــــــــــــــــــــر
والناس بيلوموني واعمل ايه يا قلبــــــــــي
عايزين يحرموني منه ليه يا قلبـــــــــــــــي
بتلوموني ليه ..
من يوم حبه ما لمس قلبي ما لمس قلبـــــي
فتح الباب للشوق يلعب بي للشوق يلعب بي
وهوّ حبيبي وهوّ نصيبـــــــــــــــــــــــــــي
وهوّ النور لعنّيه وقلبــــــــــــــــــــــــــــــي
وهوّ شبابي وهوّ صحابــــــــــــــــــــــــــي
وهوّ قرايبي وكل حبايبـــــــــــــــــــــــــــي
والناس بيلوموني واعمل ايه يا قلبــــــــــي
عايزين يحرموني منه ليه يا قلبـــــــــــــــي
بتلوموني ليه ..
..........................................
بكره وبعده بكره وبعده بكره وبعده .. اللي وعدني حيوفي بوعده
كلها بكره بس وبعده ..
أجمل يوم حيمر عليّ .. بعد يومين حتشوفه عينيه
والدنيا دي إزاي حتساعني .. فرحتي أكبر منها شوية
وعلى البعد العين شايفاها .. جاية وجايبة السعد معاها
هنه يومين اتنين والقاها ..
كلها بكره .. كلها بكره .. بس وبعده ..
بعد يومين حيجيني جوابه .. يسعد بيه قلبي وأحبابه
واللي فات من عمري نسيته .. إلا اليوم ده عملت حسابه
ولقيت قلبي اللي بيتمنى .. تايه بين النار والجنة
قلت استنى راح تتهنى
كلها بكره بس وبعده ..
ياللي معادك شاغل بالي .. من دلوقتي وعاش في خيالي
اليومين حيفوتوا أيام .. والليلتين حيمروا ليالي
والمواعيد لو هانوا عليه .. أنت ميعادك جوه عنيه
ولا فيش غيره عمل كده فيه ..
كلها بكره .. بس وبعده..
...................................
بيع قلبك بيع قلبك بيع ودك .. شوف الشاري مين ؟
شوف عهدي مين بعدي .. حايصونهولك مين ؟
العهد اللي رعاك .. والقلب اللي فداك
أيامه عمرها بسنين .. شوف الشاري مين ؟
قبل ما تنسى العهد الغالي .. فكر ليلة وهات لياليه
شوف مين غيرنا قضى ليالي .. عايشه بعمر شبابي فيه
حتلاقي خطوة قلبي وقلبك .. مستنيه هناك
شايلالي كلمة فضلت .. منك لما كنت معاك
واعمل إيه قوللي ياللي فاكرني .. بهجرك أعمل إيه
بيع قلبك ..
بتقول ناري تعبت قلبك .. مش دي النار اللي كان حبك
طاير في جنها وسارح .. ليه دلوقتي بتبعد عنها ليه
ليه دلوقتي بتهرب منها ليه ؟ ما هو النهار رده زي امبارح
أهجر على كيفك وانساني .. مسيرالأيام تجيبك تاني
وأعمل إيه قوللي يا اللي فاكرني .. بهجرك أعمل إيه
بيع قلبك ...
أنا يسعدني تبعد عني .. وتجرب غيري في هواك
شوف مين حبه أكتر مني .. لو شاف اللي أنا شفته معاك
ابني آماله وهدها .. واحسب دموعه وعدها
وتعالى قوللي بعدها .. هو حبيبك والا أنا
وأعمل إيه قوللي ياللي فاكرني .. بهجرك أعمل إيه
بيع قلبك .. بيع ودك..
...............................................
بينى وبينك ايه بيني وبينك إيه
ياريت تقوللي عليه
شغلت بالي ليه
بيني وبينك إيه
ليه ليه .. شغلت بالي ليه
بيني وبينك إيه
آه من عيونك .. آه من قوامك
ومن سكوتك .. ومن كلامك
شغلوني وفاتوني .. بين همي وظنوني
بيني وبينك إيه .. شغلت بالي ليه
داري جمالك .. وعطف قلبك
وابعد خيالك .. عني لأحبك
تشغلني وتنساني .. وتطول حرماني
بيني وبينك إيه .. شغلت بالي ليه
..........................................
جانا الهوى جانا الهوى جانا .. ورمانا الهوى رمانا
ورمش الأسمراني .. شبكنا بالهوى
آه ما رمانا الهوى ونعسنا .. واللي شبكنا يخلصنا
دا حبيبي شغل بالي .. يا با شاغل بالي
يا راميني بسحر عنيك الاتنين .. ما تقوللي واخدني ورايح فين
على جرح جديد والا التنهيد .. والا على الفرح موديني
أنا باسأل ليه واحتار كده ليه .. بكرة الأيام حتوريني
خلينا كده على طول ماشيين ..
ما رمانا الهوى ونعسنا واللي شبكنا يخلصنا ..
دا حبيبي شغل بالي ..
عدينا يا شوق عدينا .. على بر الهوى رسينا
دنا عمري معاك .. وهوايا هواك
زوق يا نسيم خطاوينا .. ويا نجوم السما ضمينا
وخدينا بعيد وحدينا ..
وخلينا كده علي طول ماشين .. آه ما رمانا الهوى ونعسنا
واللي شبكنا يخلصنا .. دا حبيبي شاغل بالي
طوحنا يا هوى يا هوى طوحنا .. وأمانة ما يوم يا هوى تجرحنا
وتقربنا ما تبعدنا وتفرحنا بحبايبنا .. وإن خدنا الشوق ريحنا
خلينا كده على طول ماشين ..
ما رمانا الهوى ونعسنا .. واللي شبكنا يخلصنا
دا حبيبي شاغل بالي.. آه يابا شاغل بالي
.................................
جبار جبار .. جبار
في رقته جبار
جبار .. جبار
في قسوته جبار
خدعتني ضحكته
وخانتني دمعته
وما كنتش أعرف قبل النهارده
إن العيون دي تعرف تخون بالشكل ده
ولا كنت أصدق قبل النهارده
إن الحنان يقدر يكون بالشكل ده
جبار .. جبار
* * *
عرفته قد ما عرفته ولا عرفتوش
وشفته قد ما شفته ولا فهمتوش
كان بيقوللي أحبك .. أيوه كان بيقول
وأنا من لهفة قلبي صدقته على طول
كنت أشوف وأسمع وأحس بقلبه هو
كنت عايش مش عشاني عشانه هو
وما كنتش أعرف قبل النهارده
إن العيون دي تعرف تخون بالشكل ده
ولا كنت أصدق قبل النهارده
إن الحنان يقدر يكون بالشكل ده
جبار .. جبار
* * *
يا معلمني الحب ياريتني
ياريتني ما تعلمته معاك ولا شفته
ليه تخدعني ليه خليتني
خليتني أنسى الدنيا وأعيش بحلاوته
ده ما كانش في تنين زينا شافوا اللي شفناه في حبنا
الحلم كنا بنحلمه ونكمله من بعضنا
ليه تصحيني في وسط الجنة بنار ودموع
كنت إرحمني وسيبني شوية أعيش مخدوع
وما كنتش أعرف قبل النهارده
إن العيون دي تعرف تخون بالشكل ده
ولا كنت أصدق قبل النهارده
إن الحنان يقدر يكون بالشكل ده
جبار .. جبار
* * *
قلبي قول للحب إبعد عن طريقي
أي حب جديد ياويله من حريقي
لو ح أصادف قلب مخلص
مش ح آمن له وأصونه
وإن ضحك في عينيه ح أضحك
وأخدعه ويمكن أخونه
زي غيرنا ما باع
نبيع عمر الهوى وعهده
زي قلبي ما ضاع
تضيع كل القلوب بعده
ولا أقول لك .. لا يا قلبي
ليه نلوم على الحب ليه
ده اللي خانك خان شباب الحب
خان وجار عليه
يعني أنا والحب وإنت
كنا لعبة بين إيديه
وما كنتش أعرف قبل النهارده
إن العيون دي تعرف تخون بالشكل ده
ولا كنت أصدق قبل النهارده
إن الحنان يقدر يكون بالشكل ده
جبار .. جبار
....................................
حاجه غريبه حاجة غريبة الدنيا لها طعم جديــــــــــــــــــــــــــد
حاجة غريبة انا حاسس إنّ ده يوم عيــــــــــــــــد
وأنا حاسة الدنيا هربانة ويانا فـ ليل كلّه سعـــــاده
ليها فرحة حلوة في عنية وحلاوتها سكرها زيـاده
أنت عارف ليــــه
قولي إنت ليـــــه
علشان احنا مع بعضينــا ولأول مره لوحدينــــــــا
ولا حدش بيبص علينـــا غير فرحة قلبنا وعنينــــا
حاجة غريبة الليل ده كلّه كان امبارح بيزيدني حرمان وأسيــــة
إتغير ليه .. إتغير ليه .. حتى سواده لوه ضيّ حنيّن في عنــــيّ
والنجمة دي أنا عارفاها وتمللي بسهر وياهــــــــا
بس الليلة بتلمع اكثر وبتندهلي وانا سامعاهــــــــا
اهي بتشاور اهي بتقرب انا دلوأتي ماشيه معاهــا
حاجة غريبة انت كمان انا شايفاك ماشي وياهـــــا
أنتِ عارف ليــــه
قول لي إنت ليــه
علشان احنا مع بعضينــا ولأول مره لوحدينــــــــا
ولا حدش بيبص علينـــا غير فرحة قلبنا وعنينــــا
حاجة غريبــــــة
حاجة غريبة .. السما بتغني .. انت سامعهـــــــــــا
ايوه سامعها .. بتغني مع فرحتي حبّــــــــــــــــــي
والموجه اللي هناك دي بترقــــــــــــــــــــــــــــص
ايوه شايفهـــــــا
دي بترقص على دقة قلبـــــــــــــــــــــــــــــــــــي
انت شايف .. انت سامع .. انت حاســـــــــــــــــس
احساس غريب قبل النهار ده ماجربتــــــــــــــوش
وشعور جميل عمري في حياتي ما عرفتــــــــوش
ايه اللي جرالنا احنا بنحلم ولا بنحلم .. كلمني قـول
لو كان ده حلم ياريتوا يطــــــــــــــــــــــــــــــــول
علشان نفضل نحلم كده على طــــــــــــــــــــــــول
والدنيا تفضل هربــــانة ويانا فـ ليل كلّه سعـــــاده
ليها فرحة حلوة في عنية وحلاوتها سكّرها زيـاده
أنت عارف ليــــه
أيوه عارف ليـــه
علشان احنا مع بعضينــا ولأول مره لوحدينــــــــا
ولا حدش بيبص علينـــا غير فرحة قلبنا وعنينــــا
حاجة غريبــــــة
التسجيل
دخول
موضوع: بعض اغانى عبد الحليم 
السبت يونيو 11, 2011 6:29 am
